सर्वश्रेस्ठता

सुन्यताको भुमरीमा,

अनिश्चितताको यात्रामा,

निस्सार रहेको एक पशु र म म के फरक छ र ?

सर्वश्रेष्ठ प्राणी मानव!

बुद्धिमान प्राणी मानव!

जान्ने सुन्ने पशु मानव!

'म, मेरो र मलाई'को

सेवा गर्ने निस्वार्थ मानव,

आजका पिडित,भोलिका पिडक ,

 आजका थिचिएका भोलिका थिच्ने,

एक जिन्दगिको लागी अनेकौ जिन्दगिको बली दिन नहिचकिचाउने मानव,

आफ्नो एक छाकको लागी लाखौ छाक हडप्न पछी नपर्ने मानव 

र

यो निरन्तर चक्र !

मानवबाट ग्रसित,दमित,घृणित,

मानवबाटै थिचिएका, मिचिएका, पिल्सिएका

मानव!!!

र यसैबाट प्रमाणित

मानवको बाठोपन,

बुद्धिमानी कहाँलित मानवनामी पशुको सर्वश्रेस्ठता!

जिउनु छ मलाई तिमीलाई हामिलाई 

अझै यो रङ्गमन्चमा

कहिले नाटक हेर्दै, कहिले आफु पनि पात्र बन्दै!

यो रवाफ, आडमबरसगै

यो 'म'बाद सगै

र

यो सर्वश्रेष्ठता को उच्च उपाधिसहित !